Incamake y’inzira inyurwamo mu gusaba indangamuntu isimbura iyatakaye cyangwa yibwe

- Umuturage wibwe cyangwa watakaje indangamuntu agomba kubimenyesha RIB anyuze ku rubuga Irembo mu gihe kitarenze iminsi 5. irembo.gov.rw/user/citizen/service/nida/replacement_of_national_id

- Nyuma yo gukora imenyekanisha  umuturage abona sms cyangwa email imumenyesha  ko imenyekanisha rye ryakiriwe;

- Ahita ahabwa gahunda y’umunsi azajya kuri station ya RIB imwegereye;

- Uwamenyekanishije ko yataye ID ahabwa icyangombwa gisimbura indangamuntu mu gihe abihisemo;

- RIB imaze kwemeza ko indangamuntu yabuze, umuturage  ahabwa nimero yo kwishyuriraho indangamuntu isimbura iyatakaye cg yibwe n` icyangombwa gisimbura indangamuntu (mu gihe yagihisemo);

- Iyo umuturage amaze kwishyura, ubusabe bwe bugera kuri NIDA no ku mwanditsi w’ irangamimerere w’umurenge yahisemo,

- Umwanditsi w’Irangamimerere iyo amaze kwemeza ubusabe bwe, umuturage abona sms imumenyesha ko icyangombwa gisimbura indangamuntu cyabonetse;

- Nyuma y`ikorwa ry`indangamuntu,  umuturage ahabwa ubutumwa bugufi kuri telefoni cyangwa kuri aderesi y’ubutumwa koranabuhanga (email address) bumumenyesha aho indangamuntu yoherejwe akajya kuyifata.

 N.B: Kwishyura bikorerwa ku rubuga Irembo

Lost ID FAQs

Show all answers
Hide all answers
  • 2. Ni gute bamenyekanisha k`urubuga “Irembo”?

    Ushobora kujya ahantu hose hakorera umukozi w`Irembo, akagufasha cyangwa ugafungura konti yawe y`Irembo, ukabyikorera, ukurikije amabwiriza atangwa.

  • 3. Ntamenya nte station ya RIB namenyekanishaho?

    Iyo urimo kohereze ubusabe ku Irembo, baguhitishamo station za RIB ziteguye kugufasha, ugahitamo ukurikije ikuri hafi.

  • 4. Ni gute namenya ko ubusabe bwanjye bwakiriwe na RIB?

    Nyuma yo kohereza ubusabe bwawe, utegereza igisubizo kivuye kuri RIB muri message cyangwa email, kiguha gahunda yo kwitaba RIB. Iyo udafite telephone wifashisha iy`umwe mu bantu bashobora kukugezaho ubutumwa bwoherejwe.

  • 5. Bifata igihe kingana iki kugira ngo ubone igisubizo?

    Bikorwa mu gihe kitarenze iminsi 5.

  • 6. N`ikihe cyangombwa gisabwa mu gihe ngiye kwitaba RIB?

    Icyangombwa ufite usanzwe ukoresha kiriho ifoto yawe.

  • 7. Niki gikurikira nyuma yo kuva kwitaba RIB?

    Uhabwa nimero yo kwishyuriraho indangamuntu isimbura iyatakaye cyangwa yibwe na nimero yo kwishyuriraho icyangombwa gisimbura indangamuntu mu gihe wagisabye.

  • 8. Ni gute ubona iyo nimero yo kwishyuriraho?

    Uhabwa ubutumwa kuri telephone cyangwa email buturutse ku Irembo.

     

  • 9. Indangamuntu isimbura iyatakaye yishyurwa amafaranga angahe?

    1500Frw ukayishyurira ku rubuga ‘Irembo”.

  • 10. Ni gute umenya ko indangamuntu yawe yabonetse?

    Uhabwa ubutumwa bugufi kuri telephone cyangwa email bubikumenyesha aho indangamuntu yawe yoherejwe ukajya kuyifata.

     

  • 11. Umunyarwanda utuye mu mahanga asaba indangamuntu isimbura iyatakaye ate?

    Umunyarwanda utuye mu mahanga asaba icyangombwa cy`uko yataye indangamuntu ku rwego rubishinzwe rwaho atuye, akabishyikiriza consulat cyangwa ambassade y`igihugu atuyemo ikamutereraho cachet,  akohereza kuri email diasporaservices@nida.gov.rw, hamwe na procuration na contact z`umuntu uzamufatira indangamuntu.

     

     

  • 12. Ko station za RIB zigaragara ku rutonde ziherereye kure y’aho ntuye, ntahandi najya ku declara?

    Imenyekanisha ry’uwataye cyangwa wibwe Indangamuntu rikorerwa kuri station za RIB aho ziherereye mu Gihugu. Urutonde rwa Stations zirimo ,kwakira abaturage, urazisanga k`urubuga “Irembo”.